Partia opozitare France Unbowed denoncon “policimin e veshjeve” dhe thotë se është gjë simptomatike e “refuzimit obsesiv të myslimanëve nga qeveria”.
Franca ka në plan të ndalojë “abajan”, një veshje e gjatë e lirshme e veshur nga disa gra myslimane, në mjediset e shkollës, tha ministri i Arsimit i vendit.
Gabriel Attal i tha transmetuesit TF1 të dielën se qeveria synon të përcjellë “rregulla të qarta” për këtë çështje te zyrtarët e shkollave në gjithë vendin.
Attal tha gjithashtu se donte të fliste me zyrtarët e shkollës duke filluar nga java e ardhshme për t’i ndihmuar ata të zbatonin ndalimin e veshjes si mantel që mbulon gjithë trupin.
Vendimi është i fundit në disa kufizime për veshjet islame në Francë, ku kritikët thonë se qeveria ka shënjestruar myslimanët me deklarata dhe politika në vitet e fundit, duke përfshirë një pretendim të Presidentit Emmanuel Macron se feja është “në krizë”. Bastisje nëpër xhami dhe fondacione bamirësie ishin praktikë e viteve të kaluara.
Refuzimi obsesiv i myslimanëve
Clementine Autain e partisë së majtë opozitare France Unbowed denoncoi atë që ajo e përshkroi si “policim i veshjeve”.
Njoftimi i Attalit ishte “jokushtetues” dhe kundër parimeve themeluese të vlerave laike të Francës, argumentoi ajo – dhe dukuri simptomatike e “refuzimit obsesiv të myslimanëve nga qeveria”.
Sapo u kthye nga pushimet verore, ajo tha se administrata e presidentit Emmanuel Macron tashmë po përpiqej të konkurronte me partinë e ekstremit të djathtë Ribashkimi Kombëtare të Marine Le Pen.
CFCM-ja, një organ kombëtar që përfshin shumë shoqata myslimane, ka thënë se nuk janë vetëm veshjet “shenjë fetare”.
Njoftimi është lëvizja e parë e madhe nga Attal, 34 vjeç, që kur ai u promovua këtë verë për të trajtuar portofolin e arsimit, që është jashtëzakonisht i diskutueshëm.
