Kandidatja presidenciale demokrate, Kamala Harris, ka reaguar ndaj deklaratës së kandidatit republikan Donald Trump se do të “mbronte gratë”.
Sipas CBS News, Harris i përshkroi fjalët e Trump në një tubim në Phoenix, Arizona si "fyese".
"Ai nuk ka absolutisht respekt për lirinë e grave apo inteligjencën e tyre për të ditur se çfarë është në interesin e tyre më të mirë dhe për të vendosur në përputhje me rrethanat. Por ne u besojmë grave", tha Harris.
Në një tubim të mbajtur në rajonin Green Bay të Wisconsin, Trump tha se administrata e Presidentit Joe Biden dhe zëvendësit të tij Kamala Harris "importuan migrantë kriminelë" në vend dhe se këta njerëz "sulmuan, përdhunuan dhe vranë gra dhe vajza".
Ai më pas shtoi: "Unë do t'i mbroj gratë, pavarësisht nëse ata duan apo jo".
Zgjedhjet në Shtetet e Bashkuara të Amerikës (SHBA) do të mbahen të martën më 5 nëntor 2024.
Fituesi do të shërbejë katër vjet në Shtëpinë e Bardhë, duke filluar me inaugurimin më 20 janar 2025.
