Ish-ministri i Jashtëm i Francës, Jean-Yves Le Drian, tha se vendi i tij "duhet ta njohë shtetin e Palestinës".
Le Drian foli për "Radio Sud" dhe bëri deklarata lidhur me problemin palestinez dhe konfliktin mes Izraelit dhe Hamasit.
Ish-ministrit të Jashtëm francez iu rikujtua se Spanja ka planifikuar të njohë së shpejti shtetin e Palestinës dhe pasi pyet: "Pse Franca nuk e njeh shtetin e Palestinës" ai përgjigjet se "Personalisht mendoj se kjo duhet të bëhet".
Duke dënuar dhunën e zbatuar nga Izraeli, Le Drian vuri në dukje se duhet të krijohen kushtet e përshtatshme për armëpushim në Gaza. Ai më tej bëri thirrje për lirimin e pengjeve dhe sigurimin e qasjes së ndihmës humanitare.
Në pyetjen nëse ka apo jo rrezik për gjenocid në Gaza, Le Drian tha: "Fjala gjenocid duhet të përdoret në mënyrë shumë të kujdesshme, për këtë arsye nuk e ka përdorur këtë fjalë në këtë aspekt".
Presidenti i Francës, Emmanuel Macron, në shkurt 2024 tha se njohja e shtetit të Palestinës "nuk është tabu" për vendin e tij.
Spanja, Irlanda, Malta dhe Sllovenia më 22 mars njoftuan se janë gati të njohin shtetin palestinez kur të krijohen "kushtet e duhura". Më pas kryeministri i Spanjës, Pedro Sanchez, në fillim të prillit tha se shtetin e Palestinës do ta njohin para verës.
