Të paktën 33 palestinezë të tjerë u vranë dhe 57 të tjerë u plagosën gjatë 24 orëve të fundit, ndërsa Izraeli vazhdon sulmin e tij në Rripin e rrethuar të Gazës, tha të mërkurën Ministria e Shëndetësisë e territorit.
“Forcat okupuese izraelite kryen katër masakra kundër familjeve në Rripin e Gazës, duke lënë 33 dëshmorë dhe 57 të plagosur gjatë 24 orëve të fundit”, thuhet në një deklaratë të ministrisë.
"Shumë njerëz janë ende të bllokuar nën rrënoja dhe në rrugë pasi ekipet e shpëtimit nuk kanë mundësi të arrijnë deri tek ta," shtoi Ministria.
Sipas OKB-së, lufta izraelite në Gaza ka shtyrë 85% të popullsisë së territorit në zhvendosje të brendshme mes mungesës akute të ushqimit, ujit të pastër dhe ilaçeve, ndërsa 60% e infrastrukturës së enklavës është dëmtuar ose shkatërruar.
Izraeli akuzohet për gjenocid në Gjykatën Ndërkombëtare të Drejtësisë. Një vendim i përkohshëm në janar urdhëroi Tel Avivin të ndalojë aktet gjenocidale dhe të marrë masa për të garantuar ofrimin e ndihmës humanitare për civilët në Gaza.
