Ministri i Jashtëm turk dhe homologu i tij nga Katari diskutuan të hënën situatën e fundit në Gaza, sipas burimeve diplomatike.
Hakan Fidan dhe Sheikh Mohammed bin Abdulrahman bin Jassim Al Thani diskutuan nëpërmjet telefonit, si dhe gjithashtu folën për përpjekjet në vazhdim për një armëpushim në enklavën e bllokuar ku Izraeli ka vrarë më shumë se 34.000 palestinezë që nga 7 tetori 2023, thanë burimet të cilat kërkuan të mos zbulohen për shkak të kufizimeve mediatike.
Veç kësaj, Fidan mirëpriti Maria Angela Holguin Cuellar, përfaqësuesen personale të sekretarit të përgjithshëm të OKB-së për Qipron, në Ankara, tha Ministria e Jashtme në X, duke mos ndarë informacione të mëtejshme rreth ngjarjes.
Ai priti gjithashtu Ministren e Bashkëpunimit të Jashtëm dhe Ndërkombëtar të Eswatini, Pholile Shakantu, ku u nënshkrua një memorandum mirëkuptimi për bashkëpunimin në fushën e protokollit midis dy vendeve, tha ministria.
