Presidenti i Panamasë, Jose Raul Mulino, iu përgjigjë deklaratës së presidentit të ShBA-së Donald Trump për rimarrjen e Kanalit të Panamasë, duke thënë se ky kanal i përket Panamasë dhe “do të mbetet i tillë”.
Mulino, në një deklaratë të publikuar në llogarinë e tij në X, ka reaguar ndaj deklaratës së Trumpit në lidhje me Kanalin e Panamasë gjatë ceremonisë së inaugurimit.
“Duhet t'i refuzoj plotësisht fjalët e shprehura nga presidenti Donald Trump. Kanali i Panamasë është dhe do të mbetet i Panamasë”, shkroi lideri panamez Mulino në postimin e tij.
Duke tërhequr vëmendjen ndaj pretendimit të Trump se Kanali i Panamasë kontrollohet nga Kina, Mulino tha: “Nuk bëhet fjalë që ndonjë komb në botë ndërhyn në administratën tonë”.
Duke kujtuar marrëveshjen Torrijos-Carter, Mulino ka thënë:
“Kanali nuk ishte një konsensus i bërë nga askush, ai ishte produkt i një lufte të gjatë brezash që kulmoi në vitin 1999 si rezultat i Marrëveshjes Torrijos-Carter. Që atëherë, ne e kemi menaxhuar atë dhe e kemi zgjeruar për t’i shërbyer tregtisë botërore, përfshirë ShBA-në, pa ndërprerje për 25 vjet. Historia dhe veprimet tona kundrejt Shteteve të Bashkuara tregojnë se të drejtat që na mbrojnë, bazën ligjore e marrëveshjes, dinjitetin që na dallon dhe fuqinë që na jep e drejta ndërkombëtare, do t’i përdorim si mënyrën ideale për t'i menaxhuar marrëdhëniet midis vendeve dhe mbi të gjitha midis vendeve aleate dhe mike”.
Ndryshe, në fjalimin e tij pas inaugurimit si presidenti i 47-të i SHBA-së, Trump përsëriti deklaratat e mëparshme se vendi i tij do të marrë kontrollin mbi Kanalin e Panamasë.
