Zjarrfikësit janë ende duke luftuar për të kontrolluar zjarret e mëdha në Los Angeles që kanë shkatërruar disa zona në gjithë qytetin e dytë më të madh të SHBA-së.
Sipas Departamentit të Pyjeve dhe Mbrojtjes nga Zjarri në Kaliforni, të paktën gjashtë zjarre po vazhdojnë në gjithë qarkun e Los Anglesit dhe 11 njerëz kanë humbur jetën.
Zjarret kanë djegur mbi 14 mijë hektarë deri të premten, kanë shkatërruar më shumë se 12.000 struktura dhe mbi 100.000 njerëz janë nën urdhër evakuimi.
Zjarri më i madh ka djegur mbi 8.500 hektarë në dhe rreth lagjes luksoze Pacific Palisades pranë bregut. Më tej, zjarri Eaton ka djegur rreth 5.700 hektarë në ultësirat në dhe rreth Altadenas, në verilindje të qendrës së Los Angelesit.
Krahas zjarreve Palisade dhe Eaton, katër zjarre të tjera më të vogla po vazhdojnë gjithashtu në zonën e Los Angelesit: zjarret Hurst, Lidia, Archer dhe Kenneth.
