Një në çdo 5 studente është sulmuar seksualisht në shkollat ushtarake në ShBA gjatë periudhës arsimore 2021-2022.
Departamenti i Mbrojtjes së ShBA-së, Pentagoni, ka bërë një raport për rastet e sulmeve seksuale në shkollat për forcat tokësore, detare dhe ajrore në periudhën arsimore 2021-2022.
Ndërsa komanda e ushtrisë ka qenë nën kritika të rënda për ngacmime në vitet e mëparshme, raporti zbulon bilancin e sulmeve seksuale dhe ngacmimeve në vitin e kaluar.
Raporti tregon se një në çdo 5 studente në shkollat ushtarake ishte viktimë e sulmeve seksuale, që është rritje për 18 për qind krahasuar me vitin e kaluar akademik.
Në raport, i cili përfshin rezultatet e sondazhit ku studentë ushtarakë morën pjesë pa shkruar emrat e tyre, theksohej se kishte rritje të "të gjitha llojeve të sulmeve seksuale" nga ngacmimet deri te përdhunimet dhe se alkooli ishte shkaku më i madhi i të gjitha këtyre sulmeve.
Më tej thuhet se rastet e sulmeve seksuale u rritën më së shumti në shkollat e marinës ku gjithsej 155 studente u sulmuan seksualisht.
