Ministri i Jashtëm dhe i Tregtisë së Hungarisë, Peter Szijjarto, vlerësoi automjetin e parë elektronik turk TOGG duke thënë se prodhimi i saj është treguesi më i mirë mbi zhvillimin ekonomik të vendit, me ç’rast populli turk duhet të jetë krenar.
"Fakti që Türkiye mund të prodhojë automjetin e saj tregon se sa është zhvilluar ekonomia turke, sepse industria kombëtare e automjeteve tregon se ekonomia është në një nivel tjetër", tha Szijjarto.
Këto komente Szijjarto i dha qëndrimit të tij në Türkiye me rastin e hapjes së Medicor Medical, investimi i ri i vendit të tij në Türkiye.
I pyetur për procesin e anëtarësimit të Türkiyes në Bashkimin Evropian (BE), Szijjarto rikujtoi se aktualisht nuk ka konsensus për Türkiyen në BE.
"Për shkak se disa vende nuk kanë guximin të thonë hapur pikëpamjet e tyre ballë për ballë, ata i thonë gjërat me dyer të mbyllura. Disa vende janë seriozisht kundër përshpejtimit të procesit të pranimit të Türkiyes. Në këto kushte, ne si Hungari duam të krijojmë bashkëpunimin më të mirë mes BE-së dhe Türkiyes", tha Szijjarto.
Duke potencuar se vendi i tij është një nga vendet më të prekura nga lufta për shkak të fqinjësisë me Ukrainën, theksoi ministri rëndësinë e rolit të Türkiyes në këtë fushë.
"Përpjekja e vetme e suksesshme për ndërmjetësim ishte marrëveshja e drithit e nënshkruar nga Türkiye, nga vetë presidenti Erdoğan. Palët në konflikt janë kontraktuar që nga shpërthimi i luftës. Marrëveshja e vetme e rëndësishme që palët në konflikt arritën të lidhnin që nga fillimi i luftës ishte kjo marrëveshje e drithit. Prandaj, ne besojmë se Türkiye duhet të luajë rolin kryesor në periudhën e ardhshme, kur të krijohen kushtet për negociatat e paqes", shtoi Szijjarto.
Ai shtoi se me homologët e tij turq, për sa i përket Togg-ut turk, kanë shqyrtuar futjen e tij edhe në tregun hungarez dhe se beson se Togg mund të konkurrojë me markat e tjera.
Në fund ai i uroi presidentit turk Erdoğan suksese në zgjedhjet e ardhshme.
