Kryeministri izraelit Benjamin Netanyahu ka vendosur të shtyjë pushtimin tokësor të qytetit Rafah në jug të Gazës, pas një sulmi hakmarrës të paprecedentë nga Irani ndaj Izraelit, njoftoi transmetuesi publik i Izraelit.
Duke pretenduar se është "kalaja e fundit e Hamasit", Netanyahu ka insistuar në pushtimin e Rafahut, ku rreth 1,4 milion palestinezë të zhvendosur janë strehuar nga sulmet e pandërprera.
Pavarësisht rritjes së protestës ndërkombëtare mbi planin e pushtimit, kryeministri javën e kaluar tha se një datë ishte caktuar për ofensivën.
Sipas transmetuesit publik, shtyrja e pushtimit tokësor erdhi pas konsultimeve me aparatin izraelit të sigurisë. Shtyrja vjen pasi Irani lëshoi rreth 300 raketa dhe dronë drejt Izraelit të shtunën vonë në mbrëmje. Tel Avivi pretendoi se kishte rrëzuar shumicën prej tyre.