Presidenti i zgjedhur i ShBA-së, Donald Trump, ka emëruar Richard Grenell, një këshilltar i besuar për politikën e jashtme dhe ish-ambasador në Gjermani, si të dërguarin e tij për "misione speciale".
Trump njoftoi emërimin në platformën e tij “Truth Social” të shtunën.
“Ric do të punojë në disa nga pikat më të nxehta në mbarë botën, duke përfshirë Venezuelën dhe Korenë e Veriut”, tha Trump.
Grenell ka shërbyer më parë si ushtrues detyre i drejtorit të inteligjencës kombëtare dhe ka luajtur një rol kyç në bisedimet e paqes Serbi-Kosovë gjatë mandatit të parë të Trump.
Një mbështetës i vendosur i qasjes së politikës së jashtme të Trump, Grenell ka mbështetur kufizimin e zgjerimit të NATO-s derisa vendet anëtare të përmbushin objektivat e shpenzimeve të mbrojtjes, duke u përafruar me pikëpamjen e Trump se aleanca duhet t'i japë përparësi "kontributeve të barabarta".
Trump zbuloi gjithashtu se Devin Nunes, shefi ekzekutiv i Truth Social dhe një ish-kongresmen, do të drejtojë një bord këshillues presidencial që do ta mbikëqyrë komunitetin e inteligjencës amerikane.
Nunes, një aleat i vendosur i Trump, do të vazhdojë në rolin e tij në Trump Media & Technology Group.
