Kryeministri polak Donald Tusk në përgjigje të deklaratave të fundit të presidentit amerikan Donald Trump, që vunë në shënjestër Bashkimin Evropian (BE), ka deklaruar se blloku evropian nuk u formua për "të prishë dikë".
"BE-ja nuk u formua për të prishur dikë. Krejtësisht e kundërta. Ajo u formua për ta ruajtur paqen, për ta ndërtuar respektimin midis kombeve tona, për të krijuar tregti të lirë dhe të ndershme dhe për ta forcuar miqësinë tonë transatlantike. Shumë e thjeshtë", tha Tusk.
Dje, Trump kritikoi BE-në duke u zotuar se "shumë shpejt" do të zbatojë tarifa 25 për qind "në përgjithësi" ndaj eksporteve të saj.
"BE-ja u formua me qëllim për ta prishur ShBA-në. Ky është qëllimi i saj dhe ata kanë bërë një punë të mirë. Por, tani, unë jam president", tha Trump.
