Rusia ka sulmuar këtë mëngjes, kryeqytetin e Ukrainës, Kiev, me raketa lundruese dhe balistike, ndërkohë alarmi për sulmin ajror zgjati për 3 orë.
Shefi i administratës ushtarake të Kievit, Sergey Popko, në njoftimin e publikuar në rrjetet sociale, theksoi se Rusia kreu një sulm me raketa në Kiev pas një pauze 44-ditore.
Duke ndarë informacionin se ushtria ruse përdori në sulm raketa lundruese të modelit Х-101/Х-555/Х-55 dhe raketa balistike, Popko vuri në dukje se alarmi i sulmit ajror në kryeqytet zgjati afërsisht 3 orë.
Raketat goditën qytetin nga drejtime të ndryshme njëkohësisht, njoftoi Popko. "Forcat e mbrojtjes ajrore rrëzuan rreth 30 raketa, përfshirë raketa balistike mbi Kiev", tha ai.
Popko transmetoi se fragmentet e raketave dëmtuan ndërtesën e një kopshti dhe një ndërtesë apartamentesh në lagjen Svyatoshin, dhe si pasojë e sulmit u dëmtua një ndërtesë apartamentesh në qytezën Shevchenko.
Më tej, Popko tha se pjesët e raketave ranë në kopshtin e një ndërtese në lagjen Podilski dhe se të gjitha ekipet e shërbimit të urgjencës po punojnë në vendin e ngjarjes.
Kryetari i bashkisë së Kievit, Vitali Klitschko, gjithashtu në postimin e tij në llogarinë e tij në rrjetet sociale ka njoftuar se 10 persona janë plagosur në sulmin me raketa të Rusisë në Kiev.
