Universiteti Columbia në Shtetet e Bashkuara të Amerikës (ShBA) ka iniciuar pezullimin e disa studentëve pasi protestuesit propalestinezë refuzuan të largohen nga kampuset deri në afatin e së hënës, raportojnë mediat lokale.
Pavarësisht afatit për t'u larguar nga kampet deri në orën 14:00 të së hënës, disa studentë mbetën në kampus, raporton Politico.
Presidenti i Universitetit të Columbisë, Minouche Shafik, konfirmoi të hënën përfundimin e negociatave midis universitetit dhe protestuesve, duke shtuar se universiteti refuzoi të "ndahet nga Izraeli".
Studentët, të cilët po zhvillojnë demonstrata në shtete dhe universitete të ndryshme në të gjithë Shtetet e Bashkuara të Amerikës në mbështetje të Palestinës, po kërkojnë që universitetet e tyre të ndalojnë mbështetjen e Izraelit.
Ndërsa studentët mblidhen dhe ngrenë kampe në hapësira të hapura në kampuse, zyrtarët e universitetit dhe të pushtetit vendor përgjigjen me ndalime, pezullime dhe kërcënime për shkarkimin e stafit.
