Vazhdon aktiviteti intensiv sizmik në dhe rreth ishujve grekë Santorini, Amorgos, Anafi dhe Ios, duke rritur frikën për një tërmet të mundshëm shkatërrues në jug të detit Egje, për këtë arsye autoritetet greke kanë marrë tashmë një sërë masash.
Sipas Drejtorisë së Menaxhimit të Fatkeqësive dhe Emergjencave të Türkiyes (AFAD), 754 tërmete janë regjistruar në Detin Egje që nga 28 janari, duke përfshirë 57 tërmete me përmasa nga katër deri në pesë të shkallës Rihter.
Ekspertët thonë se lëkundjet nuk janë të lidhura me aktivitetin vullkanik në ishull që nga java e kaluar, duke shtuar se lëkundjet do të zgjasin të paktën shtatë ditë.
“Dua t'u kërkoj banorëve tanë të ishullit, para së gjithash, të qëndrojnë të qetë, të dëgjojnë udhëzimet e Mbrojtjes Civile”, tha kryeministri grek Kyriakos Mitsotakis.
Agjencia Shtetërore për Planifikimin dhe Mbrojtjen nga Tërmetet u takua me ministrin e Mbrojtjes Civile, Vasilis Kikilias, dhe vendosi të pezullojë mësimin në shkollat e ishujve deri në fund të javës.
Banorët e ishullit u këshilluan gjithashtu të shmangin grumbullimet e mëdha brenda ndërtesave dhe të shmangin portet e braktisura.
Mediat lokale raportojnë se një numër i konsiderueshëm njerëzish po përpiqen të ikin nga ishulli me traget ose aeroplan.
