Ministri i Punëve të Brendshme i Shqipërisë, Taulant Balla, ndodhet në një vizitë zyrtare në Mbretërinë e Arabisë Saudite, ku do të marrë pjesë në Panairin Botëror të Sigurisë dhe Mbrojtjes që do të zhvillohet në Riad.
Sipas njoftimit të Ministrisë së Brendshme shqiptare, Balla gjatë ditës së sotme zhvilloi një takim në Ministrinë e Mbrojtjes me Princin Abdul Rahman bin Muhammad bin Abdulaziz bin Ayyaf Al Muqrin ku u diskutua për thellimin e bashkëpunimit në fushën e sigurisë kibernetike dhe çështje të tjera me interes të dyja vendeve.
Sulmet kibernetike ndaj Shqipërisë kanë qenë intensive muajt e fundit duke goditur institucinet kryesore të vendit, ndërsa së fundmi cak i tyre ishte edhe Instituti i Statistikave të Shqipërisë, INSTAT.
TRT Balkan / agjencitë
