Imagjinoni një vend të veçantë në Maqedoninë e Veriut që është si një thesar sekret që pret të gjendet. Le të zbulojmë së bashku qytetin prej guri të Kuklicës në Maqedoninë e Veriut – një vend i qetë dhe i bukur ku arti mahnitës i natyrës takohet me histori të kohëve të shkuara. Ky udhëtim do të na çojë në një botë të qetë që është paqësore dhe duket e pabesueshme.
Mrekullitë natyrore
Imagjinoni një vend ku shkëmbinjtë duken si njerëz dhe kafshë! Këta shkëmbinj, të quajtur “Kukullat prej Gurit”, janë bërë nga duart e vetë natyrës. Shtyllat prej guri të Kuklicës janë një fenomen i jashtëzakonshëm gjeologjik i krijuar nga proceset natyrore të erozionit përgjatë miliona viteve.
Këto forma të lezetshme duken sikur po flasin me ne. Disa duken si njerëz, e të tjerët duken si kafshë. Qyteti prej gurit përbëhet nga mbi 120 shtylla guri të formuara në mënyrë natyrale. Është mënyra e natyrës për të bërë art dhe është vërtet mahnitëse.
Legjenda e Kukullave prej Guri
Kur të vizitoni qytetin, do të shihni se disa gurë duken sikur po kërcenin, disa sikur po flisnin – të ngrirë përgjithmonë në kohë. Vërtet interesante, apo jo? Kjo është arsyeja; Kukullat prej gurit kanë një histori të veçantë. Sepse, historitë i bëjnë vendet edhe më interesante. Njerëzit thonë se shumë kohë më parë, diçka magjike ka ndodhur këtu gjatë një dasme.
Para shumë vitesh në fshatin Kuklicë po bëhej një dasmë. Nusja dhe dhëndri po martoheshin dhe të gjithë ishin të lumtur. Por, më pas ndodhi diçka e papritur. Erdhi një person tjetër që i pëlqeu nuses dhe pati një zënkë të madhe. Toka u drodh dhe befas, të gjithë njerëzit në dasmë u shndërruan në gurë! Ekziston një version tjetër i kësaj legjende. Kur një vajzë nuk mund të martohej me burrin me të cilin ra në dashuri, ajo mallkoi të porsamartuarit. Kur po bëhej dasma në këtë fshat, derisa nusja dhe dhëndri kërcenin, mallkimi i asaj vajze u bë realitet dhe të gjithë në dasmë u shndërruan në gur!
Sigurisht, kjo është vetëm një storje dhe ka legjenda të ndryshme të rrëfyera nga vendasit të ngjashme si këto. Nuk jam e sigurt se cila është e saktë! Megjithatë, kjo e bën vendin të duket sikur është nga një kohë tjetër.
Vlera edukative
Vendi ofron mundësi edukative për vizitorët që të mësojnë rreth proceseve gjeologjike dhe erozionit. Është si të jesh në një klasë speciale shkencore që është plot me emocione. Gjersa ecni rreth shtyllave prej guri, ju do të shihni saktësisht se si proceset e Tokës mund të ndryshojnë tokën dhe të bëjnë gjëra të mahnitshme sikur te Kukullat prej guri. Mësimi rreth këtyre aktiviteteve të Tokës mund t'ju bëjë të ndiheni të mahnitur dhe kuriozë për natyrën. Është si të hapësh një portë për të bërë pyetje dhe zbulime.
Është një mundësi për të parë nga afër teoritë e teksteve shkollore të bëhen reale pikërisht para syve tuaj. Pra, kur jeni këtu, nuk shikoni vetëm shkëmbinjtë – por eksploroni sekretet e vetë Tokës!
Një pushim turistik paqësor
Në jetën tonë të stërngarkuar, gjetja e një vendi të qetë dhe të rehatshëm është si të gjesh një thesar. Qyteti prej Guri i Kuklicës është pikërisht e njëjta – një pushim paqësor nga të gjitha zhurmat. Jo shumë njerëz dinë për qytetin prej guri, por kjo e bën atë edhe më emocionues për t’u vizituar. Kur ecim mes shkëmbinjve, harrojmë gjithçka tjetër. Shkëmbinjtë sikur tregojnë historinë e tyre dhe ne mund të bëhemi pjesë e saj.
Përpunimet e gurit vizualisht goditës u ofrojnë turistëve një vend frymëzues për udhëtimin e tyre. Ndërveprimi i dritës dhe hijes në shtyllat prej guri mund të rezultojë në kompozime vizuale mahnitëse për llogarinë tuaj në Instagram!
Për në fund, në qytetin prej guri të Kuklicës, do të gjejmë një vend që është i ndryshëm nga jeta jonë e përditshme. Natyra dhe historitë bashkohen për të krijuar diçka të veçantë që do të mbetet në zemrat tona përgjithmonë. Nëse jeni udhëtar i interesuar për destinacione që nuk janë aq të njohura, ejani për të parë këto pamje surreale dhe të botës tjetër të shtyllave prej guri!
