Presidenti i Republikës së Shqipërisë, Bajram Begaj, përkujtoi sot Ditën Ndërkombëtare të Maleve.
Ai theksoi se në këtë ditë nderojmë thesaret natyrore të Shqipërisë.
“Bukuria e tyre e mahnitshme është thirrje e gjithkahershme për rëndësinë e ruajtjes së këtyre peizazheve të mrekullueshme”, shkroi Begaj në një postim në rrjetet sociale.
Malet janë strukturat më të bukura të natyrës, madhështore, të forta që qëndrojnë përballë qiellit dhe ndiejnë se mund të kapin të gjitha fshatrat në hijen e tyre. Ato janë burimet e rekreacionit dhe burimi i bujqësisë, ofrojnë hapësirë të bollshme në shpatet për prodhim.
Malet luajnë një rol të rëndësishëm në ciklin e ujit.
Turizmi malor tërheq rreth 15-20% të turizmit global.
Kjo ditë u shpall si e tillë nga Asambleja e Përgjithshme e OKB-së më 11 dhjetor të vitit 2003 dhe vuri në dukje nevojën e ndërgjegjësimit të vazhdueshëm mbi rëndësinë e maleve dhe zhvillimin e qëndrueshëm të mjedisit të tyre për të ruajtur cilësinë e jetës së njerëzve.
