Qytetarë të shumtë u mblodhën sot në qytetin e Gjakovës për të protestuar pas sulmit që ndodhi ndaj të moshuarës në Qendrën e përkujdesjes ndaj të moshuarve “Orenda”, në Pejë. Protestuesit kërkuan dënim maksimal për kryerëset e kësaj vepre dhe po ashtu mbylljen e qendrës “Orenda”.
Krahas pankartave të shumta me mbishkrime në përkrahje të të moshuarve, në pemët e sheshit të Gjakovës ishte vendosur edhe forografia e Aurona Pelaj e cila kishte sulmuar fizikisht të moshuarën.
Kjo protestë u organizua nga Shoqata “Krimet e Luftës Gjakova ’98-99” dhe Bashkimi i Femrave Gjakovare.
Krahas shumë qytetarëve kësaj proteste iu bashkuan edhe vajza e së moshuarës, Zhaneta Nura-Vala bashkë me vëllain e saj Milotin i cili kishte ardhur tashmë nga Belgjika.
Vajza e së moshuarës u shpreh se kishte parë disa lëndime për të cilat kishte menduar se janë shkaktuar nga pakujdesia e saj.
Por, ajo shtoi se nuk ka besuar që mund të ushtrohet dhunë ndaj nënës së saj.
Nura kërkoi dënim maksimal ndaj personave që akuzohen për këtë sulm.
Zhaneta Nura tregoi se gjendja e nënës së saj, ndaj së cilës u ushtrua dhunë fizike, është mirë dhe po qëndron pranë familjarëve.
Kryetarja e Shoqatës “Krimet e Luftës Gjakova ’98-99”, Shkendije Hoda, u shpreh se nuk e kanë pritur që vajzat shqiptare të ushtrojnë dhunë fizike ndaj një nëne, e aq më pak që është nënë e dëshmorit.
“Para këtij akti jemi pothuajse të dorëzuar sepse ne nuk e kemi pritur që motrat tona shqiptare ta përdorin një dhunë një abuzim fizik ndaj një nëne posaçërisht nga një nëne dëshmori”, theksoi Hoda.
Tashmë Gjykata Themelore në Pejë ka caktuar masën e paraburgimit prej 30 ditësh ndaj të tri infermiereve që dyshohen për sulm dhe bashkëkryerje të veprës.
Ndërsa, Oda e Infermierëve të Kosovës ua ka tërhequr licensën katër infermiereve që u përfshinë në sulmin ndaj së moshuarës.
4 Nën 2022
Kosovë, protesta kundër dhunës ndaj të moshuarve
Në Gjakovë të Kosovës u zhvilluan sot protesta kundër dhunës ndaj gruas së moshuar në një azil për të moshuarit në Pejë, u kërkua denim maksimal për dhunueset.
Kosova Press
Lajme të ngjashme
Kurti përkujton të vrarët në Kralan të Gjakovës: Përgjegjës Beogradi zyrtar
Kryeministri i Kosovës Albin Kurti vendosi lule te lapidari në të cilën janë të shkruar 88 emra të shqiptarëve, të cilët, siç tha, u vranë sepse ishin shqiptarë dhe dëshironin të jetojnë të lirë në tokën e tyre stërgjyshore.
Artikujt në këtë kategori
Vuçiq dhe Hashemi diskutojnë forcimin e bashkëpunimit ekonomik
Presidenti i Serbisë, Aleksandar Vuçiç, pas takimit tha se kishte pasur një bisedë të mirë dhe miqësore me Hashemin dhe e falënderoi për letrën e presidentit të Iranit, Masoud Pezeshkian, i cili konfirmoi pjesëmarrjen e vendit në EXPO2027.
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
