Ndryshimi i akrepave të orës në Maqedoninë e Veriut sivjet mund të mos ndodhë. Autoritetet qeveritare janë në shqyrtim e sipër të mundësisë që të bëhet shteti i parë në rajon dhe më gjerë i cili do ta mbajë përllogaritjen verore të kohës. Disa ditë para se të fillojë llogaritja dimërore e kohës ende nuk ka ndonjë vendim zyrtar nga autoritet e Maqedonisë së Veriut.
Shqyrtimi i këtij opsioni ndërlidhet me qëllimin e kursimit të energjisë elektrike. Kryeministri i Maqedonisë së Veriut, Dimitar Kovaçevski, gjatë prezantimi të kësaj ideje tha se do të analizohen të gjitha përvojat rreth vazhdimit të përllogaritjes verore të kohës.
Debati nëse është i nevojshëm ndryshimi i orës dy herë brenda vitit ka vazhduar për një kohë të gjatë dhe mbrojtësit e shfuqizimit të tij besojnë se nuk ka prova konkrete të kursimit të energjisë. Kjo veçanërisht vlen për përdorimin e kompjuterëve dhe pajisjeve elektronike që nuk varen nëse është ditë ose natë jashtë.
Türkiye në vitin 2016 braktisi përllogaritjen dimërore
Në botë numërohen dhjetëra shtete të cilët nuk i ndryshojnë akrepat e orës. Prej vitit 2016 një vendim të tillë e praktikon edhe Türkiye.
Analizat e tyre (të Türkiyes) flasin se deri në dhjetor të vitit 2021 kanë kursyer rreth 6.82 miliardë kilovat në orë (në energji elektrike) që nga fillimi i praktikës dhe kjo është e barabartë me 431.9 milionë dollarë.
Por, ndryshimi i akrepave të orës gjithashtu ndërlidhet edhe me efektet shëndetësore. Hulumtuesit e gjumit vite më parë njoftuan se ndryshimi orës, gjegjësisht kalimi nga përllogaritja verore në atë dimrore ndikoi që adoleshentët të flenë dy orë e gjysmë më pak.
25 Tet 2022
Llogaritja e kohës: Maqedonia e Veriut shqyrton opsionin veror
Maqedonia e Veriut mund të jetë ndër vendet e para në Evropë që nuk do të ndryshoj llogaritjen verore të kohës.
TRT Balkan
Lajme të ngjashme
Borxhi i jashtëm: Kosova më së miri, keq në Mal të Zi e Maqedoni të Veriut
Borxhi i jashtëm i Malit të Zi e kalon, ndërsa i Maqedonisë së Veriut i afrohet nivelit kritik prej 60% në raport me Prodhimin Bruto Vendor, pa përfshirë borxhin e brendshëm. Kosova, nga ana tjetër, ka më së paku borxhe në rajon.
Steinmeier nuk premton anëtarësimin e Maqedonisë së Veriut në BE
Presidenti i Gjermanisë Frank-Walter Steinmeier gjatë vizitës në Shkup tha se askush nuk mund të sigurojë që Maqedonia e Veriut mund të bëhet anëtare e BE-së deri në fund të vitit 2030, por e rëndësishme sipas tij është që të vendoset kjo si qëllim.
Artikujt në këtë kategori
Fico-Vuçiq në Beograd: Sllovakia dhe Serbia mund të mbështeten mes vete
"Serbia me të vërtetë e meriton ndihmën e Bashkimit Evropian në këtë fushë sepse është kërkuese dhe e kushtueshme", tha Fico dhe shtoi se Serbia e ndihmoi dhe po e ndihmon BE-në në migrim në atë mënyrë që pak vende të tjera mund ta bënin.
Çfarë tjetër do të donit të dinit?
Popullore
