Pesë kryebashkiakë “të përjetshëm” në Slloveni morën mandatin e 8-të

Në zgjedhjet e djeshme lokale në Slloveni, qytetarët sërish votuan për pesë kryetarët e komunave, të cilët janë në detyrë që nga viti 1994, në fakt ata morën mandatin e tetë.
Në mesin e tyre është kryetari i komunës së Cerklje na Gorenjska, i cili fitoi më shumë se 70 për qind të votave dhe kryetarët e komunave Rogashka Sllatina, Rogatac dhe Gornji Petrovac fituan përkatësisht 64 dhe 65 për qind të votave në raundin e parë.
Kryetarët e komunave të Prevaljës, Dobrnës dhe Bllokës fituan mandatin e tyre të shtatë.
Kryetarët e Dobrovnikut, Razkrizhjes, Jetalës dhe Raçe-Famas fituan mandatin e shtatë në raundin e parë të zgjedhjeve lokale pa kundërshtar.
Në 51 komuna paraprakisht dihet kryetari i komunës, sepse për ato pozita ka aplikuar vetëm një kandidat.
Në këto zgjedhje të drejtë vote kishin 1.7 milionë qytetarë të rritur të Sllovenisë, të cilët vendosën se kush do të menaxhojë 212 komunat sllovene për katër vitet e ardhshme.
Përveç kryetarit të komunës, u zgjodhën edhe anëtarë të këshilleve të qytetit, e nganjëherë edhe anëtarë të komuniteteve lokale, fshatrash dhe rrethi.