Kryeministri i Shqipërisë Edi Rama përmbylli turin dyditor ballkanik me vizitën e tij në Beograd, ku u prit nga presidenti serb Aleksandar Vuçiq. Në konferencën për media, Rama tha se situata në Kosovë nuk duhet të lejohet të përshkallëzohet dhe se duhet të arrihet një këndvështrim i përbashkët në mënyrë që procesi i dialogut të vazhdojë.
“Tani situata ende mund të kontrollohet dhe pikat e përcaktuara qartë për de-përshkallëzimin që janë përcaktuar nga komuniteti ndërkombëtar duhet të zbatohen pa bërë pyetje”, theksoi Rama.
Rama tha se do të përsërisë atë që tashmë ka thënë qartë se rruga përpara nuk është rritja e tensioneve, por dialogu dhe marrëveshja bazuar në marrëveshjen që vjen nga plani franko-gjerman.
Ai theksoi se tani për tani situata është e tillë që ende mund të kontrollohet.
Presidenti serb Aleksandar Vuçiq nga ana tjetër tha se Serbia dëshiron paqe dhe po punon drejt saj, si dhe se pala serbe, sipas tij, ka përmbushur pikat më të rëndësishme të bashkësisë ndërkombëtare për depërshkallëzimin e situatës në Kosovë.
“Unë e di përmendsh planin e deeskalimit, të gjitha pikat që kanë të bëjnë me Beogradin dhe Prishtinën dhe komunitetin ndërkombëtar, Serbia tashmë i ka bërë dy, dhe e treta nuk mund të bëhet pa Prishtinën, sepse bëhet fjalë për tërheqjen e njëkohshme të kryetarit të komunës dhe njerëzve nga rrethina e komunës. Gjithçka tjetër u përmbush nga Serbia dhe pala serbe”, tha Vuçiq.
Gjatë turit ballkanik, Rama vizitoi Shkupin, Prishtinën, Sarajevën, Podgoricën dhe Beogradin në bisedime për Procesin e Berlinit dhe situatën aktuale në rajonin e Ballkanit.
