Ministri i Jashtëm rus Sergei Llavrov akuzoi sot Shtetet e Bashkuara të Amerikës (ShBA) se planifikojnë të sabotojnë gazsjellësin Rrjedha Turke, i cili transporton energji nga Rusia në Türkiye dhe më tej në Evropë.
Në një konferencë shtypi në Moskë, Llavrov akuzoi Uashingtonin zyrtar për ndihmën e sulmeve terroriste në infrastrukturën energjetike dhe pretendoi se ka plane për të shënjestruar Rrjedhën Turke.
“ShBA-ja nuk toleron konkurrencën në asnjë sferë, përfshirë energjinë. Ata po mbështesin në mënyrë të pamatur aktivitetet terroriste që synojnë minimin e stabilitetit energjetik të Bashkimit Evropian”, tha Llavrov.
Llavrov tha më tej se ShBA-ja po "inkurajon" përfaqësuesit e saj ukrainas ta "çaktivizojnë Rrjedhën Turke" pas sabotimit të Rrjedhës Veriore.
Akuzat e Llavrovit vijnë një ditë pasi Ministria ruse e Mbrojtjes tha se kishte rrëzuar dronët ukrainas që tentuan të sulmonin një pjesë të infrastrukturës së tubacionit të gazit Rrjedha Turke.
