Presidenti serb Aleksandar Vuçiq njoftoi të enjten se zgjedhjet e jashtëzakonshme parlamentare do të mbahen më 17 dhjetor.
"Do të ketë zgjedhje parlamentare, të Beogradit dhe të Vojvodinës," i tha Vuçiq transmetuesit kombëtar komercial Prva TV, duke shtuar se ai po përmbush dëshirën e opozitës.
Vuçiq tha se është e rëndësishme që zgjedhjet të mbahen në mënyrë që njerëzit të thonë fjalën e tyre.
“Populli duhet të shprehet, populli është bartës i sovranitetit... Është në dorën e popullit të thotë se çfarë politike do dhe unë nuk e kam problem me këtë... Nëse mund të fitojmë besimin e qytetarëve, kjo është mirë. Ne nuk mund të lejojmë dikë tjetër të sundojë", shtoi ai.
Zgjedhjet duhet të shpallen deri më 2 nëntor nga Kuvendi i Serbisë që të mbahen më 17 dhjetor.
Zgjedhjet lokale do të mbahen në rreth 60 komuna në mbarë Serbinë.