Në jug të qytetit të Beogradit, në Mlladenovac, të enjten mbrëma janë vrarë tetë persona, kurse 11 të tjerë kanë mbetur të plagosur, njofton Ministria e Punëve të Brendshme e Serbisë. Në spitalin “Dragisha Mishoviq” është kryer ndërhyrje kirurgjike ndaj dy personave të moshës 21 dhe 23 vjeç, të cilën ende janë në gjendje kritike. Ky sulm, siç raportojnë mediat, ka ndodhur në dy lokacione të ndryshme. Fillimisht në fshatin Dubona, pastaj në fshatrat Malo Orashje dhe Shepshin. Në kërkim të sulmuesit ishin vënë rreth 600 policë, të cilët gjatë ditë së sotme e kanë kryer arrestimin e tij në afërsi të Kragujevcit.
TRT Balkan / agjencitë
