Kosova është shteti i fundit i rajonit që i jepet qasja në rrjetin privat satelitor të internetit Starlink të miliarderit amerikan Elon Musk. Kreu i Qeverisë së Kosovës tha se Starlink është dëshmuar jashtëzakonisht i rëndësishëm në mundësimin e komunikimit kritik gjatë fatkeqësive natyrore ose rasteve të tjera të emergjencave kombëtare.
“Ky është një hap i rëndësishëm në avancimin e infrastrukturës digjitale në vend dhe ofron mundësi të shumta për qasjen në internet në çdo lokacion e cep të territorit të Republikës së Kosovës”, theksoi Kurti. Më herët gjatë 2024 qasje në këtë rrjet të internetit fitоi edhe Shqipëria, kurse Maqedonia e Veriut është vendi i parë i Ballkanit që në vitin 2022 u kyç në Starlink.
Mali i Zi dhe Serbi në 2025 me Starlink
Pasi Mali i Zi dhe Serbia pritet t’i bashkohen Starlinkut vitin e ardhshëm, Bosnjë e Hercegovina, mund të mbetet i vetmi vend në rajon që nuk do të ketë qasje në këtë shërbim të internetit, sipas faqes së internetit Starlink.
Një hartë e mbulimit të internetit satelitore tregon se Starlink mbulon pothuajse gjithë kontinentin evropian.
Për Malin e Zi dhe Serbinë, thuhet se Starlink do të jetë aktiv në këto vende në vitin 2025.
Për Bosnje e Hercegovinën thuhet se "data e shërbimit nuk dihet aktualisht".
Starlink shprehu interes për të hyrë në tregun boshnjak në shtator në treg me oferta dhe shërbimeve publike të qasjes në internet për përdoruesit.
Megjithatë, Agjencia Rregullatore e Komunikimeve (CRA) tha në atë kohë se kompania nuk kishte aplikuar për licencat e nevojshme për të vazhduar operimin në vend.
Çka është Starlinku?
Starlink është emri i një rrjeti satelitor të zhvilluar nga kompania private e fluturimeve hapësinore SpaceX për të ofruar internet me kosto të ulët.
Një satelit Starlink ka një jetëgjatësi prej afërsisht pesë vjetësh dhe SpaceX përfundimisht shpreson të ketë deri në 42 mijë satelitë.
Qe nga nëntori 2024, ka 6.764 satelitë Starlink në orbitë, nga të cilët 6.714 janë duke punuar.
Satelitët Starlink orbitojnë afërsisht 550 kilometra mbi Tokë dhe bëjnë një shfaqje spektakolare për vëzhguesit ndërsa lëvizin nëpër qiell.
