Numri i personave të vrarë në sulmet e kryera nga ushtria izraelite në Rripin e Gazës që nga 7 tetori 2023 është rritur në 33.843.
Në një deklaratë të Ministrisë së Shëndetësisë në Gaza, janë publikuar të dhënat e fundit për sulmet izraelite në Rripin e Gazës, të cilat po vazhdojnë prej 193 ditësh.
Raportohet se 46 palestinezë u vranë dhe 110 u plagosën në sulmet e ushtrisë izraelite në Rripin e Gazës në 24 orët e fundit.
Sipas raportimeve, numri i personave të vrarë në sulmet izraelite në Rripin e Gazës që nga 7 tetori arriti në 33.843 dhe 76.575 të plagosur.
Në deklaratë theksohet gjithashtu se ka më shumë të vdekur nën rrënoja dhe në rrugë, por për shkak të pengesave të forcave izraelite, ekipet mjekësore dhe oficerët e mbrojtjes civile nuk mund të arrijnë tek trupat.
Izraeli ka nisur një ofensivë në Rripin e Gazës që nga një sulm ndërkufitar nga grupi palestinez Hamas më 7 tetor që vrau rreth 1.200 njerëz.
Lufta e Izraelit ka shtyrë 85 për qind të popullsisë së Rripit të Gazës në zhvendosje të brendshme me mungesë akute të ushqimit, ujit të pastër dhe ilaçeve, ndërsa 60 për qind e infrastrukturës së enklavës është dëmtuar ose shkatërruar, sipas të dhënave të Kombeve të Bashkuara.
Izraeli akuzohet për gjenocid para Gjykatës Ndërkombëtare të Drejtësisë. Një vendim i përkohshëm në janar urdhëroi Tel Avivin të ndalojë aktet gjenocidale dhe të marrë masa për të siguruar që ndihma humanitare të ofrohet për civilët në Gaza.
