Është rritur në 31.819 numri i palestinezëve të vrarë në sulmet që Izraeli ka ndërmarrë që nga 7 tetori 2023 kundër Rripit të Gazës.
Në një komunikatë nga Ministria palestineze e Shëndetësisë në Gaza, raportohet për sulmet që Izraeli vazhdon prej 165 ditësh ndaj Rripit të Gazës.
Në komunikatë bëhet e ditur se në 24 orët e fundit në sulmet e forcave izraelite ndaj Rripit të Gazës kanë humbur jetën 93 palestinezë ndërsa 142 të tjerë janë plagosur.
Në sulmet e Izraelit kundër Rripit të Gazës që nga 7 tetori e deri më tani numri i personave që kanë humbur jetën ka arritur në 31.819 ndërsa i të plagosurve në 73.934.
Gjithashtu në komunikatë thuhet se nën rrënoja dhe përreth rrugëve ende ka kufoma të të vrarëve dhe se ekipet shëndetësore dhe të Mbrojtjes Civile nuk kanë mundur të mbërrijnë tek trupat për shkak se pengohen nga forcat izraelite.
