Një zjarr i madh shpërtheu dje në termocentralin më të madh bërthamor në Evropë, i cili ndodhet në jug të Ukrainës. Për incidentin në fjalë Ukraina dhe Rusia akuzojnë njëra-tjetrën.
"Gjashtë njësi në termocentralin janë në gjendje të ftohtë, nuk ka asnjë shpërthim apo rrezik tjetër", tha në një deklaratë me shkrim Yevgeny Balitsky, guvernatori rajonal i Zaporozhye i emëruar nga Rusia.
Ai shtoi se zjarri shpërtheu në sistemin e ftohjes së centralit bërthamor për shkak të granatimeve nga ushtria ukrainase.
Nga ana tjetër, presidenti ukrainas Volodymyr Zelensky tha se nga Nikopoli filmuan se pushtuesit rusë ndezën zjarrin në territorin e termocentralit bërthamor të Zaporozhias.
“Që nga dita e parë e okupimit, Rusia ka përdorur termocentralin bërthamor të Zaporizhias vetëm për të shantazhuar Ukrainën, të gjithë Evropën dhe botën”, tha Zelenskyy në rrjetin social X.
Kreu i administratës ushtarake të rrethit Nikopol, Yevhen Yevtushenko, tha në Telegram se objekti aktualisht funksionon sa më normalisht të jetë e mundur në kushtet e okupimit, transmeton Ukrinform.
