Një stuhi e fortë goditi pjesën veriore, perëndimore dhe qendrore të Sllovenisë, duke shkaktuar përmbytje në shkallë të gjerë.
Bazuar në të dhënat e Administratës për Mbrojtje dhe Shpëtim, në 12 orët e fundit janë regjistruar më shumë se 1.000 incidente, ndërsa në ndihmë kanë dalë 168 zjarrfikës. Njerëzit nga tri kampe u evakuuan.
Për shkak të reshjeve të dendura të shiut, i cili që nga mbrëmja e së enjtes po shkakton probleme në disa pjesë të Sllovenisë, shumë zjarrfikës janë në terren gjatë gjithë natës.
Përmbytjet kanë prekur edhe pellgjet e Koroshkës dhe Zgornjesavinjskës. Në Kurshkoj, shumë rrugë janë të mbyllura për trafikun, lumenjtë tashmë kanë kaluar brigjet e tyre, shumë shtëpi dhe bodrume janë përmbytur dhe shumë rrëshqitje dheu janë shkaktuar, tha për STA Administrata e Mbrojtjes dhe e Shpëtimit në Slloveni.
Aktualisht qasja në Komunën e Solçavës është e pamundur.
