Sekretari i përgjithshëm i NATO-s, Jens Stoltenberg, ka njoftuar dislokimin e 700 trupave shtesë në Kosovë për shkak të tensioneve në veri të vendit. Në një konferencë të përbashkët për media me kryeministrin norvegjez, Jonas Gahr Store, shefi i NATO-s po ashtu tha se aleanca do të vendosë një batalion nga forca rezervë në gatishmëri të lartë, në mënyrë që të mund të vendoset nëse është e nevojshme. Stoltenberg bëri thirrje që sulmet në Kosovë “duhet të ndalen”. Deklaratat e tij erdhën pasi të paktën 30 ushtarë të NATO-s u plagosën në përleshje. Misioni paqeruajtës i NATO-s në Kosovë (KFOR) njoftoi se 11 trupa hungarezë dhe 19 trupa italianë pësuan lëndime të shumta nga mjetet shpërthyese në demonstratat e djeshme në Zveçan të Kosovës. Tre ushtarë hungarezë po ashtu u plagosën nga armë zjarri, por lëndimet e tyre nuk janë në rrezik për jetën. Të plagosurit aktualisht janë nën vëzhgim të një institucioni shëndetësor. Tensionet kanë kapluar Kosovën me demonstrues dhe forca të sigurisë që u përleshën në komunat në veri të vendit, të mbizotëruara nga serbët, për shkak të zgjedhjes së kryetarëve shqiptarë të komunave. Ndërkohë, sipas burimeve spitalore, të paktën 50 civilë u plagosën nga shok bombat dhe gazi lotsjellës.
30 Maj 2023
Shefi i NATO-s njofton dislokimin e 700 trupave shtesë në Kosovë
Aleanca Veriatlantike sipas Jens Stoltenbergut do të vendosë një batalion nga forca rezervë në gatishmëri të lartë, në mënyrë që të mund të vendoset nëse është e nevojshme.
TRT Balkan / agjencitë
Lajme të ngjashme
Gratë serbe që jetojnë në Kosovë, marshojnë për paqe në Mitrovicë të Veriut
Ish-këshilltarja e Kuvendit Komunal në Mitrovicë të Veriut, Gordana Saviq, njëherësh edhe infermiere, tha se gratë nga veriu i Kosovës janë mbledhur për të thënë se nuk do ta vuajnë më terrorin e kryeministrit kosovar, Albin Kurti
Artikujt në këtë kategori
Paris, Kurti takoi shefin e parë të UNMIK-ut, Bernard Kouchner
Kurti dhe Kouchner diskutuan për suksesin e intervenimit të NATO-s në pranverë të vitit 1999, periudhën e pasluftës, si dhe arritjet e sukseset e shtetit të Kosovës 16 vjet pas shpalljes së pavarësisë dhe 25 vjet pas çlirimit të vendit.
Ekspedita “Trashëgimia dje, sot e nesër” me të rinj nga Kosova e Shqipëria
Në një postim të tij, ministri Gonxhja shkroi se Ministria e Ekonomisë, e Kulturës dhe e Inovacionit në bashkëpunim me Ministren e Shtetit për Rininë e Fëmijët garanton mbështetjen e plotë për të shkruar një kapitull të jashtëzakonshëm për të rinjtë.
Çfarë tjetër do të donit të dinit?
Popullore