Djali i presidentit amerikan Joe Biden, Hunter Biden, u shpall fajtor nga një juri në shtetin Delaware për të trija akuzat për krime që lidhen me blerjen e tij të një pistolete në vitin 2018 ndërsa ishte i varur nga kokaina.
Juria përfundoi shpejt shqyrtimet që filluan të hënën pas diskutimeve përmbyllëse. Jurive iu deshën rreth tri orë midis së hënës dhe së martës për të dënuar Bidenin për shkelje të ligjit federal gjashtë vjet më parë, kur ai bleu armën e zjarrit ndërsa gënjeu për varësinë e tij.
Prokurorët pohuan se Biden gënjeu kur plotësoi një formular për të blerë armën e zjarrit, duke vërtetuar rrejshëm se ai nuk ishte i varur nga ndonjë drogë ilegale në atë kohë.
Presidenti ka thënë se nuk do ta falë djalin e tij, por është e paqartë nëse Biden do ta zbusë dënimin e tij.
