Izraeli kreu sulme ajrore intensive të enjten kundër disa qyteteve në Libanin jugor. Këto sulme vijonë mes shqetësimeve në rritje për një përshkallëzim të konfliktit midis Hezbollahut dhe Tel Avivit.
Tensioni pason dy valë shpërthimesh që synonin pajisjet pa tela në Liban që rezultuan me 37 të vrarë dhe mijëra të plagosur.
Një reporter i Agjencisë Anadolu konfirmoi se më shumë se 50 sulme ajrore ndodhën në qytete në Libanin jugor.
Agjencia Kombëtare Libaneze e Lajmeve raportoi se avionët luftarakë “kryen një seri sulmesh në zonën Mahmoudiyeh pranë fshatit Aaichiyeh dhe Kasarat al-Aroosh në zonën Jezzine”.
“Aeroplanët e armikut izraelit lëshuan dhjetë raketa në drejtim të zonës Birket Jabbour”, tha ai.
Tensionet midis Izraelit dhe Hezbollahut janë intensifikuar ditët e fundit pas një vale shpërthimesh të mërkurën që preku pajisjet wireless “ICOM” në të gjithë Libanin, duke rezultuar në 25 të vdekur dhe 450 të plagosur.
Qeveria libaneze dhe Hezbollahu e konsideruan Izraelin përgjegjës për shpërthimet e pejxherëve dhe e kërcënuan atë me "pasoja të rënda".
Nuk ka pasur asnjë koment izraelit mbi shpërthimet, të cilat erdhën në mes të një përshkallëzimi të luftës ndërkufitare midis Izraelit dhe Hezbollahut që nga fillimi i luftës vdekjeprurëse të Izraelit në Rripin e Gazës, e cila ka vrarë rreth 41.300 viktima, kryesisht gra dhe fëmijë, pas një Sulmi ndërkufitar nga Hamasi më 7 tetorin e kaluar.
